Friday, August 16, 2013

Amche Bhurgeaponnavele Karnavalache Dis

PRESENTS

<Right click -> Save as> to download star_tip_hat_md_wht.gif!AITARACHEO KATKUTLEO

Lapitt 

 

Ken'na kai karnavalache dis pavonn distale. Ani movzeche tin dis lagim pavttam-pavttam, urbha vaddot vetali. Banavle, Colva, Berpatt'tte, Mazodd'de, Nuvem, Verna, Arossim, Kansavlle ani amchea Utodd'de ganvant, zomnivele khell vo fell pollounk, Son'varache sanjer ghorantle bhair sorun vetale te, dusrea disa Aitara modiam ratri, ani ken'nai Somara fanttoder ghorant bhitor sortale. Tenvuim zalear, Somara disa iskolak hajir zaunk zai mhunn. Ten'nache Xempea Minguel, Salibai, Koloi, Bendo, Batta Goto, Pascoal Rebello ani her sabar nanv voste kollakar, zomniche khellant bhag ghetale te khell, ami kochech chukoinasle ani, khorem mhollear tea disamni amchea pottak bhuk purian lago nasli. 
 
Karnavalachea Aitara, sokalchem dusrem Mis somplea uprant vaddeantle bhurge, udkan bhorlolim thambea bindulam ghevn somestanche baimxim vochun, zhaddam-rukh asat thoim lipun ravtale. Baincher ailolim tornattim cheddvank veddo ghalun, tancher udok ottoitale. Thodde pavtti huxar cheddvam, angar ghenvchem udok chukounche khatir, udkak haddlolim aidonam baincher soddun poll  kaddtalim. Hatak chuktolea cheddvanchea fattlean dhanv marun, tankam ghott dorun, tancher odik udkacho pavs ottoitale.
Amchea ganvant ani odik korun amchea vaddeant, mhagelea lapittponnank lagun, hanv soglleancho vollkicho zal'lom. Konnui novo soiro/soirem poisulea ganvantle amchea vaddeant  pavun sorlim zalear, novea soireanchi vollok mhojea sovem zatali. Ani khas korun intruzak ietolea soireank Saxttiche famad mestrinche zomniche khell pollovpak, ganvantlea manddar vorchea khatir xezarim, mhaka vinonti kortalim. Mestri Vitorino Pereirachi "rakxachi' part" polletana, choli soirem bhirantin mhojea hatat ghott dorun astalem tem polloun, xezarchea vaddeantlo Domingo, challvulun poddtalo. Saxtticho intruz mhollear, Bardezkarank ek novol koxem distalem.
 
Tea khatir, intruzachi khori movza pollounk, Tiswadi kivam Bardezcho lok, Saxttinchea soirieangher lottun ietalo. Eka karnavalachea vorsa, amchea xezarchea ghorant, St. Estev-chem soirem Quennie pavlolem, ani mhojea tivagher ek Fonddemcho soiro, Saxttintlo karnaval, poilech pavtti pollevpak ailolo.
 
Potekar ailo, potekar ailo, munit St Estevao savn ailolem soirem dhanvun mhojea sorxim ailem. Ani tachea fattlean mhojea tivagher ailolo Fonddencho soiro "moyenkar" ailo, moyenkar ailo khuxallborit zaun mhaka sangunk laglo. Tim dogaim kitem mhonntat, poilim, mhaka gomunk nam. Potekar ghoddie zait, sakacheo pottleo ghevn ietolo bhailo-lok vo ghantti-lok ani moyenkar, Mayem ganvantlo konn tori amche vatten pavun sorlolo ek soiro. Uprant mhaka gomlem, karnavalak rupddem ghalun ietolea mhone-karank, her zillantle lok  veg-veglea nanvan voddkitat mhunn. Saxttikar mhono mhonntat zalear Bardezkar nono, Tiswadi potekar tor Fonddeantlea vattharantlo lok moyenkar mhunntat.
 
Baba kalsanv ghal re, baba kalsanv ghal re.
 
Na ghalina. Mhaka naka kalsanv, tin vorsancho mhozo bapul-bhav apleachea avoyche chopkeantlo suttun, mhojeaxim ievn mhoje paieank ghott veng marit, mhunnonk laglo
 
Kalsanv ghalina zalear mhono ietolo, ani, tugelo nunuso khatolo. nagddo aslolea putachea fattlean dhanv-dhanvun mhoji timaim sogli korset, amchea sorxim pavli.
 
Timaim asum di. Nunuso lipounk, tanchea angar lamb baniyan asa tem puro.
 
Tuvem chodd lag keleat tache. Kiteim sanglear, to tujeaxim dhanvun ieta, ani aplea putak pollevn mhontlem. Ani tuka sangtam. Aiz karnavalak mhono yetolo. Tuzo nunasu khailear mhaka roddum naka, ani taka mhojea fuddeant soddun geli.
 
Son'varache ratri, Don Tokleacheo karnaval khellachi tin partincheo jeral-esai pollounk, Mazodd'de Muson grovnddar gelolom. Ani teo khabar zatat mhonnlear, dusrea disachim panch voram vazlelim. Ak’khi zagruti ratr mhojea dolleank tras divnk lagli. Udok nhanvun, thoddixi nidh kaddtolo mhunn, hanv nhannient gelom. Angar sabu  laun char udkache thambe ottoilole. Itlean bhailean mhojea bapul-bhavacheo bobo. "Mummy, mummy begin kalsanv ghal. Mummy mummy begin kalsanv ghal. Mhono aila, mhono aila. Khatolo khatolo", ani kalsavn ghalun mhojea sorxim ienv mhontlem.
 
Umanv, umanv. Hanvem kalsavn ghatlem.
 
Kiteak re?

Mhono aila

Atam gomlem tuka? Kedov, mummy sangtali ten’na tum aikonaslo. Khorench, nagdde asloleanche nunuso mhone khatat. Dekun, aiz thanv bhair khellunk vetana, kalsanv ghalchem. Somzolam mure? Arre. hanvem.....?
 
Tujem kitem zalem umanv?
 
Tuvalo haddunk visorlom hanv. Voch tiaxim, (mhoje avoik sogott ‘tia’ mhunn voddkitalim) ani mhozo tuvalo magun hadd.

Karnavalacho Aitar. Irlixi nidh kaddun donparchea vellar Anton Moraisacho khell Arxechea tolea bandar nachpacho aslo. To zatoch, amchea Utodd'dechea Molar, Salibai ani Koloi bhag ghetlolo khell kosoch chukounk zai naslo. Tilsamni vellar Menino de Bandar "Ubarun Dilem" ho khell pollounk Berpatte igorje lagim vochpachem aslem ani ratchea dha vorar Colva.
 
Aarre khoim pavlo re tum?, tuvalo haddunk gelolea mon’xachi khoboruch na mhunn hanvem avaz kelo.
“Ho poi. Nhanienche bhair asam.”, mhojea bapul-bhavachi zap.
“Tuvalo haddunk na?”
“Haddla”
“Di to”,  nhanienchem dar ugdun mhozo hat bhair kaddun mhojea hatant tuvalo divnk sanglem ten’na, tannem boballun mhontlem.
“Naka, naka. Dar ugdi naka umanv.”
“Kiteak naka mhonnta tum?”
“Mhonekar ajun tumchea bolkavant asa. Ani tum nagddo asa mhunn taka kollot tor, to hanga ievn tugelo nunuso khait”
Lino B. Dourado
 

 

 

 

 

<Right click -> Save as> to download star_tip_hat_md_wht.gif!

    Lapitt

 http://aitaracheokaskuleo.blogspot.com/

Hea vorsa Goyant Kazunchem pik chodd zatolem

Kazu Feni Ghonntoleank Sullsullit Khuxechi Khobor
काजू फेनी घणतल्यांक सुळसुळीत खुशेची खबर

PONNJE: Gõyant fattlea disamni okosmat pavs poddlolean kazuncho dhondo korpi lok khuxi zala. Jea-jea ganvamni kazunchi pikavoll zata, thoim kazunchea zhaddank kazu zal'leo nodrek poddttat. Ut'tor ani Dokxinn Gõyant kazumchi mollnni chalu zalea. Xetki khatean kelolea eka sorvekxonna udexim dor vorsa Gõyant sumar 21 hozar tton kazumchem utpadon zata. Hea vorsa okosmat poddlolea pavsak lagun hea utpadonant anik ek hozar ttonachi bhor zavpachi xokotay asa, oso xetki khatean odmas kela

http://www.v-ixtt.com/client/details.asp?id=8534&cid=6

Hea vorsa Goyant Kazunchem pik chodd zatolem

 

PONNJE: Goyant fattlea disamni okosmat pavs poddlolean kazuncho dhondo korpi lok khuxi zala. Jea-jea ganvamni kazunchi pikavoll zata, thoim kazunchea zhaddank kazu zal'leo nodrek poddttat. Ut'tor ani Dokxinn Goyant kazumchi mollnni chalu zalea.
 
 
 
 
 
Xetki khatean kelolea eka sorvekxonna udexim dor vorsa Goyant sumar 21 hozar tton kazumchem utpadon zata. Hea vorsa okosmat poddlolea pavsak lagun hea utpadonant anik ek hozar ttonachi bhor zavpachi xokotay asa, oso xetki khatean odmas kela. Orxim kazumchem pik Goyant Fevrerachea xevottak vo Marsachea poilea satolleant zata. Dokxinn Goyant kazumchim zhaddam soglleam von poilim fultat ani uprant her vattarantlim zhaddam fultat. Soglleam von kazumchi mollnni poili
Kankonnant zata.Hea vorsa hi mollnni Fevrerachea dusrea satolleant thavnuch suru zalea. Kazumchea soreak desant ani videxant khupuch magnni asa. Kazukaramni khupuch ikmotin toyar kelole 'kazu fenniecho vapor vokhda khatirui lok kortat.Kazunchem ur'rak piyevpak khas desi ani videxi bhonvddekar chodd posond kortat toxench sthanik lokakui tachi chodduch ruch aslolean, gimachea mosomant tachi bhorpur vikri zata. Kazumchea biyamkui desant ani pordesant vhoddli magnni asa. Goyant ailolo konnui monis porot vetana anik kiteim vhoronk ghoddie chukot, punn kazumchi fenni ani biyamchem pakitt mat jerul sangata vhorta. Goychea kazunchea bhiyank ani fenniek kherit namnna asa. Sod'deak kazumchi mollnni korpak Kankonn, Sat'tari, Divchole, Peddneam ani Sanguem talukeamni survat zalea mhonn amchea batmidaran khud aplea dolleamni pollelem. Khoddpache koimbent biyeo kaddloleo kazu ghalun payamni mollun ros kaddtat. Ani xevttak yeta tea nireakui khup giraikam yetat.


<Right click -> Save as> to download star_tip_hat_md_wht.gif!

    Lapitt

 http://aitaracheokaskuleo.blogspot.com/

Ek Kovita: AMCHEA JIVITAN


Amchea Jivitan

 

Tuka khursar khillaitana

Tea vellar Jezu

Patkantlea jivitantlo

Bhair sorchea bodla

Pedro bhaxen negar zalam

Ani portean patok adarlam

 

Tum dogam choram modem

Khursar humkoltana

Patkeak sorg bhasailo

Punn ami, amchea peleacher

Chukicho guneanv tapun

Tanchem jivit emkond kelam.

 

Tujea koxttam-mornnacho

Niyall kel'lo zalear

Amchea dispottim jivitan

Tujea khanda velem vozon

Lohu kortolea Simanv porim

Bore Samaritan mellta asle.

 

Lino B. Dourado

(Utodd'dekar)



 

<Right click -> Save as> to download star_tip_hat_md_wht.gif!

    Lapitt

 http://aitaracheokaskuleo.blogspot.com/

Dabolim Zai, Mopa Zai, goykar Konnank Naka



Dabolim Zai, Mopa zai. Goykar Konnank Naka.


Tumchem kasgi mot khoim ani kitle meren asa tem hanv nokom. Punn mhaka zalear matui ek sozmona, eke barik gozalicher itlo vhodd bovall kiteak poi to. Utor Goyanea lokak Mopa novo vimatoll zai zalear, sorkaran tankam veginuch to toyar korun, Bardezkaranchi itsa puri korchi. Ani dokxinn lokak, Bharoti Navy-chea hatantlem Dabolim vimantoll sottasot kaddun, Saxttikaranchea hodd'dear dovorchem.

Eka lhanxea Rajeant nivddun kaddlolea netachea axirvaddan, don vimantollam asop mhonnchem, tea Rajeak obimannachi gozal. Ani hea monant ghevn, amgele ixtt Lapittan goyant don vimattollam mellunk vo favo zaunk ek sompo ani konnank chimpto iena toslo upai sodun kaddla.

Gele challis dis ani challis ratri‚ Prachit Kallan, upas ani kuddichi dhonvon korchea bodla, hea pavtti Lapittan Goychea boreponnam katir, apnnalo bezo chodduch ocupado dovorlolo ani Goychea babod sorkaracho axirvadd aslear, xevottak vhoilo Dabolim ani Mopacho proxn thoddik haddun, donui partik; Saxttikarank ani Bardezkarank koslench kismisanv nastona khuxi korunk zata.

Upai:

Zauri pul Utor ani Dokxin Goy ekthaim haddta vo zoddop (connects) korta. Zuari pul moddun udoilear Utord'e Dokxin lokache sombond tutunt poddtole. Sompeponnim, Saxtticho lok Utor Goyant pavchona ani Bardezcho lok ek pavtti Mopa vimantoll chalu kelo mhonntoch, Dabolim vimantolla velean vimanan uddni korcho nam. Oxem pollunk ghelear, char vorsam bhitor (vo tea adim) Zuari pul moddun poddpachi poristithi nirmann zalea ti, heradari Montri Sudin Dhavlikaran halinch Goyche Vidhan Sobhen ugddas korun dila.

Novem Rajdani Xar:

Zuari pulavelean heradarichi (transports) sovloti bond zatoch, vorixtt kama korunk Ponnje Rajdani xarant vochunk tras zatole. Kanakona ganvche itlea pois aslolea lokak eka dhaktea sorkari kama khatir, ak'kho dis ogddaicho poddtolo. Dekhun, lokache tras ani oddchoni unnem korpak ani kimticho vell samballchea pasot, Fonddem (Ponda) jem xar sogllea Goykarank ek sarkem modlea zagear urta, ho vatthar novem Rajdani xar korchem. Ani rajdhani xar zalem mhonntoch, Porvorim aslolem Vidhan Sobhe Ghor Fonddem ubem zatolem.

Orxim zalear, amche neta aplo faido chintat. Tankam Goyche nhi mhunn Goykaranchem poddunk nam.

Divide and rule ho tancho hetu vo rajkarann bhens. Oxem tor, amchea bore ixtt Lapittan koslich malis nastana vhoir dilea ti suchnna niz Goykaramni vevharan ghatlear, sorkarachea alaxiro nastana Bardez-Saxttikaranchem natem odik somzikayechem zatolem, oxem tumkam disona?

Mopa vimantollak lagon, amchi sosnikai kiteak piddear korop? Chintat.......

Lino B. Dourado
www.goa-world.com




Jezuchea Punorjivontponnachi Porob



Somestank Khuxallkayechi Zaum.
GOA-WORLD.COM TEAM

Save as to download star_tip_hat_md_wht.gif!" src="http://eknp.com/clipart/ani/star_tip_hat_md_wht.gif"

Lapitt



http://aitaracheokaskuleo.blogspot.com/

Nhidant Amcho Atmo Kuddi Koddsun Pois Zata ?

PRESENTS

<Right click -> Save as> to download star_tip_hat_md_wht.gif!AITARACHEO KATKUTLEO

Lapitt 

 

 

                  Amchi Nhid, Amchem Mornn Ani Amcho Atmo
 
Nhidant Amcho Atmo Kuddi Koddsun Pois Zata?
 
Ami sust nhidlole astona, amcho atmo amchea kuddi koddsun pois zaun eka dusrea ojeapeanchea sonvsarant amkam pavoita. Hea khinant ami sopnant astat kivam amkam sopnam poddtat oxem amkam nischit dista. Hea mhojea zannvayen tumkam kitlem sot distolem tem hanv sarkem sangunk nokom. Punn ami nhidlole astona, amchea toklolea jivak  suseg mellunk vo divnk, amcho atmo kuddintlo bhair sorun Rochnnar Bapaxim veta. Tannem portean, amcho atmo amche kuddint dhaddlo tor, ami zagrut zatat nam tor amchi kudd atmea vinnem sansnank tata vo meleli zata.
 
Zaite pavttim chaltea utramni mhontat: Tachi nid, eka melolea monxa porim. Thoddea vellachem mornn, nidlolea monxache kuddik mellta mhunn, bhov thodde lok sot manttat. Dekun, borem mornn favo zaunk nidunk vechea adim choddxe magnnem korun nhidtat.  Novembrache 2rer meloleancho dis (All Souls Day) kiteak paltat?
 
Mhonnctoch, Kristi somudai atmo morona mhunn hem sot manop korta. Amche jive kuddint, atmo asa. Ani taka ami svas (breath) mhonntat. Ani ho svas bond poddtokoch amcho atmo amche melole kuddik soddun Rochnnar Bapaxim veta. Ani tea khatir hanv, sodanch; hanv nnov vorsancho astona mhojea tticherin xikoilolem inglez magnnem mhunnon nhidtam:
Mathew, Mark, Luke and John, Bless the bed that I lie on. Four angels are round my bed. Two are at my head and two are at my feet; one to watch and one to pray. And two to carry my soul away.       
 
 
Melea Uprant Kuddintlo Atmo Khoim Veta?
 
Ho ek proxn sodanch mhaka gondollant ghalta. Khoreaninch amcho atmo nimnne zhoddte meren amchea kuddi sangata astolo vo nam? Melole kuddi sangato atmo-i sust nhidun zhoddte disa zagrut zata kai? Zait ghoddie, amcho atmo kuddintlo bhair sorun Devachea rajeant bhouch unchlem sukh sontos bhogunk veta. Kiteak, Devan rochlolo atmo ken'nach koxtt ani nhi mhunn vollvole sonschona ani melole kuddi sangata kusona.
Povitr Pustokar ani Povitr dhormik pormonnem, monis melea uprant tacho atmo kuddi sorxilo pois zata. Jezu Krist khursar prann soddchea adim oxem mhonnta: Bapa, Mhozo atmo Tujea hatant Hanv sompun ditam (Luke 23:46).
 
Him utram nivol sangtat, Jezu melea uprant Tacho atmo Tachea kuddintlo pois zaun Devachea hatant pavlolo mhunn. Jezu uprant, poilo Kristanv martir Istevak fatramnim martale tednam tannem oxem magnnem kelem. "Somia Jezu, mhozo atmo Tujea hatant ghe." (Dhormdutancho Itihas 7: 59)
 
Kaim ghosti kholl khollayen niyallear, orombak thavn atmo aslo. Ani to Deva sovem aslo ani To atmo, Dev aslo. Devan, mon'xak dhull matiecho rochlo ani taka svas ditana, apnna sarkelo atmo tagelea dhull-matiechea kuddik dilo. Povitr Pustokar vachunk mellta. "Parveachea rupan sorgar thaun Atmo denvlo ani Tacher tharlo to hanvem dekhlo” Juanv Batista-chea hatantlean, Jordan nodixim Svami Jezu snan ghetana. Juanv Baptistan ajir aslolea lokak sanglem.
 
Khorea orthan, jea mon'xak apnnale jive kuddicho mog asta titloch kuddik jivit ditolea atmeachi apurbai taka asunk favo. Punn ami monis, urfatem kortat.
 
 Lino B. Dourado  
 

<Right click -> Save as> to download star_tip_hat_md_wht.gif!

    Lapitt

 http://aitaracheokaskuleo.blogspot.com/

Soitanank Konnem Toyar Kelo ?


<Right click -> Save as> to download star_tip_hat_md_wht.gif!AITARACHEO KATKUTLEO
Lapitt 
 
Soitanank Konnem Toyar Kelo?
 
Soitanank Konnem Toyar Kelo?
 
Khorem mhollear, hi zokzokit prithum rochtolea Rochnarak goroz nasli, jivi pranni rochun hea nisoll prithumenk sangat dilolo. Zednam kallokak uzvadd dilo, tednam Taka dislem, hea voimkuttancho sogllo sontos bhogunk konn tori asunk zai, ani khinna bhitor Tannem zom'niveli dhull kaddun ek dhaddlo monis rochlo. Thoddea vellan, taka ek sangatin rochli. Ani tankam sogllem sukh mellunk udok, zon'voram, suknnim, rukh, folam-zhaddam ubi kelim.
Adanv ani Eva voimkuttantlo khollboll sontos bhogtalim. Vareavelean ieta vo zai dista ti avddichi vost tanchea fuddeant monamposond toyar zatali. Hem sogott koxem toyar zata, ani  konn dita, hi mat zanniv tankam nasli. Argam ani dinvas divunk tankam kollonaslem. Ani tem zannam zaunk, prithum rochpi Dev Bapan, ek vichitr zhadd roilem (borem ani vaitt vollkum sarkelem) ani tea zhaddachim follam khavunk tankam monam kelim. Dev Bapan, anandachea sagarant  sogllem dilam punn, kherit zhaddachem foll khavunk kiteak monam kelam? Ek druxtt (evil) tallnni tancher aili ani Devak nam kolltam addvarlolea zhaddachem foll tannim khailem. Ani hangach thavn ek jivo nixttur denvchar jiv rochlo.
Survatekuch, amchea bhurgeaponnar amkam xikoilam. Denvchar vo soitan amkam patkant ghalta. To amche kuddik tallnnent oskot korta. Chori korop denvchari kornni. Bholatkar korop denvchari kornni. Krim adarop denchari kornni. Choriam kuddicho mog korop denvchari kornni. Ghoribank lutun girest zavop denvchari korni. Hem sogott aplea svarta khatir denvcharachea tallnnenk bullon monis patkacho dhag gheta.
Kholayen niyallar, Devan borem asa tem toyar korun moniskulak dilam. Punn mon'xan axea nirman korun (Adanv ani Even addvarlolem foll khavun) soitanank toyar kela. Utpoti:3 (Genesis:3), hanga thavn utom vatter, serpentichi vaittovi chal suru zaloli ti aiz meren, monisponnacher denvchari raj cholta. Peleachem borem zalolem naka. Niddukai, kurnatkai, kudd'deaponn ani apleaponn (ego) hi vaitt karnneo dor ek mon'xachea jivitacho ek bhag zala. Tea khatir aichea somazan bholatkar, chorio, khun, nagoinni ani sabar somazak vaitt zata tea amcheach denvchari kornneank lagun zata.
Bhurgeaponnar anik ek amchea monant rigoilolem asa. Devan, soitanank rochla. Dev zaun asa boro ani to soitanank koso rochtolo? Ho proxn mhaka sotaita.
 
Devan, sot ani sotacho poilo uzvadd kelo. Ani hea sotachea uzvaddan druxtt vo vaitt denvchar naslo. Eve-chi axea, Deva porim zaunk vhaddli, ani tinnench patok haddarun denvchar toyar kelo. Hem sot gilunk, kitlea zann toyar asat kai?
Lino B. Dourado

Sorgar Konn Vetat ?


PRESENTS
 
<Right click -> Save as> to download star_tip_hat_md_wht.gif!AITARACHEO KATKUTLEO
    Lapitt

 

 

 

 Sorgar Konn Vetat?

Mhagelea jivitan thoddim bhov sumana amgelea ganvchea igorjent Poilea Komunhanvchea bhurgeank dotorn xikounk sondhi favo zal'li. Poilo dis vo poilo Aitar. Dusrem Mis somplea uprant, sumar tisevoir bhurgim aslolea dotornichea vorgant  vo klasint, ganvchea Padr-baba sangata bhitor sorlom. Adli, dotorn xikovpichem kazar zalolem. Ani tigeli somaz-seva zago hanv bhorun ghetam mhunn, dotornichea bhurgeank mhoji vollok Padr-Vigaran korun dili. Bhurgim novea dotorn-xikxokak vo mhaka ievkaracheo tallio ditana, Krizmachea Sonskarak toyarek zatolea bhurgeanchea klasint Padr-Vigaran entry marli.   


Bhurgeanchi chalchalnnuk (behavior) thoknai korpa sarki asli. Ievkarachea tallioncho ghonnghonn korun yevtin-tevtin pollenastana, moneaponnan tannim apli boska ghetli. Tanchi vagnnuk pollevn adli dotorn xikovpinnin tankam bori xist xikoilea mhunn thavem zatalem. Itle koddok xistiche bore gunn aslolim ganvchim cheddvam apnnalo zolm-ganv soddun dusrea ganvchea dadlea thaim logn kiteak zatat? Hea proxnache zallent hanv poddlom. Ganvchi somazik kivam somudayechi sudarnni zatoli zalear, ganvche tornatteamni bore dekivont, rit rovis ani somaz-seva kortolea cheddum ostorek ganvam bhair vochunk vo logn zaunk divnk favo nam. Tanchea lagim kazar zavn ak’khoch ganv xisticho korunk zata. Mhojeach vicharak hanvem zap sodun kaddli. Toxem zalear tumi mhaka vichartole. Mhojem logn amchea ganvche cheddva lagim kiteak zaunk nam? Tumcho dubhav suttavo kortam. Hanv mhojeach zolm-ganvchea cheddvam thaim logn zalam. Mhozo zolm-ganv Quela-Fonddem. Mhojem logn mhojea zolm ganvank laginch aslolea Bandorechea cholie lagim zalam. Mhojea zolmacho dakhlo vo birth certificate Fonddechea Kamran asa. Mhojem bhurgeaponn Utodd'de ganvan sarlam. Puro mhu atam? Chol tor, bhurgim khoim pavleant tim polluia.


Dotornichea bhurgeanche dolle mhojer thiraun asle zalear tanche kan hanv dotorni vixim kitem sangunk sodtam tem aikunk eksarke varear sodle. Padr-Vigaran okosmat rikame zagear mhoji bhorti kelolean, adli dotorn xikovpinin tankam kitem-kat xikoilam tem pollevnk, mhaka boro vell mellunk naslo. Koslea proxnan mhoji survat korchi hem chintit astana mhojea jiber apo-ap vichar bhair sorlo.


Bhurgeamno, sorgar konn vetat?, ho proxn mhojea tonddantlean bhair sortanch bhurgeanim don-tin pavtti nam mhonnon toklechi man dhavean thavn uzvean gunvdaili ani portean tanche dolle mhaka polloit ravle. Sogott bhurgeanchi hi moneaponnachi zap pollevn hanv ojeaplom. Sorgar vochpachi vatt konnem tori bond kelea vo hea bhurgeanchea monant sorg vixim goir-somoz zala oxem mhaka dislem.


Tisrea bankar boslolea bhurgeaxim vochun tachem nanv vicharlem. Tannem sottasot nanv sanglem. Jacksan, tum mhaka sang, sorgar konn vetat te?


Sir, sorgar vochunk chance nam. Sorgache darvonntte samke oxir. Sompeaponnim bhitor sorunk zaina.


Hem tuka konn sangta?, hanvem vicharlem


Luka pormonnem, Oxir darvonntteantlean bhitor sorunk zata toxem  vavrat, kiteak zaite zann, Hanv tumkam sangtam, bhitor vochunk sodtele, punn tanchean zaunchemnam. Lk 13:24


Jacksan-achi zap aikun hanv ojeaplom. Lhan pora koddlean Povitr Putokaveli xanneponnachi zap aikun, adli dotorn xikovpinin zaitem borem tanchea monant tigun urta toslem dhormik lisanv xikoilam mhunn kollun ailem. Khoreanich tichi tokhnai korcheli. Punn to vell nhoi aslo. Jacksanachea lagsor dhave vatten aslolea John-ank vicharlem. John, Jacksan sangta sorgar vochpache darvonntte samke oxir. Rund aslear sompeaponni lok sorgar pavta aslo?


Nam. Rund darvonntte ekdom babod, Rund darvonntte babod asat mhunn tuka konnem sanglam?


Mateva pormonnem, Oxir darvontteantlean bhitor sorat, kiteak ghortthannank pavoita to darvontto rund ani viskoll, ani tantlean veta to lok puskoll, Matt 7:13


Povitr Pustok bhurgeanchea tornnea gineanar itlea vegan dhanvtta te pollevn sorgar konn veta hea vixim fuddle proxn korchea adim hanvem zaun Pustok vachpachi poili goroz kosi zali. Hea vixeyacher odik vichar kelear tanchea fuddeant hanv lojen poddunk xoktalom. Tea pasot vixei bodol'lo ani Johnache fuddle bankar bosun aslolem Merlynank vicharlem.


Jivitak pavoita to darvonntto kitlo mhonn oxir? Ghortthannank pavoito to darvonntto khubuch rund. Zalear, infernant konn vetat Merlyn?


Nettan pavsalli moddar kup funtton (cloudburst) ghosghosxannim pavs zhoddunk lagta tea toren mhojea vicharan Merlynache dolle bhorun dukham vavunk laglim ani heram bhurgeamche dolle volle zale. Mhojea vicharan tanchim bhavnna dukhoilim, tea khatir hanvem kxoma magli. Infernant konnank vochunk naka. Hem sot khorem mhunn, bhurgeanchim bhavnnik monam sagtalim. Mhozo vichar tankam sogtteank roddpa sarko kiteak zalo tem mhaka iskutaun sanglear hanvui tanchea dukhan vanttekar zatolom mhunn sanglem ten'na, Anthonychea fattlean boslolem Vinita utthlem ani mhonnlem. ]\

Sir, amchi adli dotornichi tticher sangtali, tichem anvkari jivit sorg sukhachem kose aslem. Kazar zali mhonntoch, tichem jivit infernant korpovtolem.


Lino B. Dourado

www.goa-world.com
<Right click -> Save as> to download star_tip_hat_md_wht.gif!

    Lapitt

 http://aitaracheokaskuleo.blogspot.com/

Ask One, Get Two

PRESENTS

<Right click -> Save as> to download star_tip_hat_md_wht.gif!AITARACHEO KATKUTLEO

Lapitt 


 

<Right click -> Save as> to download star_tip_hat_md_wht.gif!

    Lapitt

 http://aitaracheokaskuleo.blogspot.com/

Nusteachem Mol Bhangarak Tenklam

  • Albertolourdinha Pires Oi Saiba! Korench Lino Bab bangar pun melot punn nustem melpak chod kotin.
  •  
    Bernardo Santana Fernandes Alberolourinha bai, bhangar fuim dukinacher hea disani dista/Matxo preos denvlo mhunn bhangrachea dukonvaleanim bhagaruch na nhunn boballl kelo anik sogllea lokak portun vechem podlem.Matxe preos vaddondi ,uprant poi zol.le (coakroaches) bhair sortat toxem bhangar bhair sortelem anin arxeanche almarint distolem.
     
    Adrian Fernandes LINO bab anik goy-am mhunnon kitem? tum punn tem nistem poloun dadoxi zalo , punn amchea ganvan tor ,tem polounk passun mellonam,parcelam yetat thuimch asat, dondekar ,mussam bhaxen yeun mol pasun korinastanam , pantleo ubhartat, sadharon munxeank amchea bhaxen ,borem nistem khavop mhunnlear ek sopon zalam,.....kennaim borem nistem mevlem zalear noxib....nam zalear , amchem noxib durga kuxik...
  •  
  •  
     
     
    Nusteachem Mol Bhangarak Tenklam
     
    Sokallchea nnov vorar nusteachea bazarant ghel'lo monis, donparchea barank ghora?
     
    Ghorant bhitor sortanch, kuznant aslolea eka sangatti ixttan vicharlem. Orxim, Kuwaitchea Sharq Fish Palace-int nusteacho bazar korpak, komi-komi ek vor mhaka puro. Punn porchea Sunkrarak, tin voram nusteachea bazarant sarlim mhunn, ekach flat-ant sangattan ravpi ixttank, ojeapanchem dislem.
     
    Thoddo vell ravcho poddlo, hanvem mhontlem
    Kiteak?
     
    Nustem, bhonvunk ghel'lem
     
    Mhoji zap aikun eklean zonnen uktem kelem, ani bhailo gormencho tap kitlo asa to topaslo.
    Vicharlolea proxnank veglich zap dil'li aikun, ghoddie, bhaili gormi bhitor haddlea oxem taka dislem. Nusteacheo plastik telio piyent dovortana, anik eklean vicharlem
     
    Koslem nusteak haddlam. Sovai aslem aiz?
    
    Sovai aslem aiz? Hea vicharacher  mhoji tokli birbili. Bhitorlea bhitoruch, mhargelea nusteak lagun zal'lea ragachi  tsunami-cher tabo dovorun, hanvem mhontlem.
     
    Nusteachem mol bhangarak tenklam.
     
    Dhovim pamplettam molavunk zaina. Isvon (King fish) nusteachea razachem nanva toren, pamplettank queen fish nanv dovorpachi hanvem suchnna kelear, Sharq nustea bazarant nustem vinkpi nusteakar nakarchenam. Kilak, atth dinar pamplittam? Ani halwa? (Kalem Pamplitt) tannem-i aplo jeth unno korunk nam. Char dinarancher panvlam. Motte toklecho gobro? Tin dinara xivai tokli halloina. Surmai nusteam khavpi, jibek udkam kaddtta, ani adim dinarak panch kilo mellpi lepe nustem, atam; dina ruba (KD1.250) eka kilak farik korun, nusteachea bazarantli poll kaddta. 
     
    Sharq nustea bazarant, Kuwaitchea dorianchim sungttam "season"-a-a xivai bazarant vikrek mello naslim. Atam sungttanche kaffil bhorpur zaleat. Kuwaitchea dorian sungttam marpachi bondi astona, dusrea desantleant sungttam visit visa ghevn entry marta. Punn mol? Vhoddlim sungttam panch dinar zalear, moddlea vorgantlim tinam sokoll nant.  
     
    Korli, pedd ani her kantteanchem nustem khavunk thoddea Goykarank ruchi bhailem. Punn atam toch lok sullsullit nusteachea mhargayek lagun korli, pedd ani her nustem sodunk bhonvtta. Sogllea nustea von chukon golleak kantto xirkoun tras korpi mudoshi, (lady fish) eka kallar nus dinar (half dinar) kilachea molak melltali, punn aichea tempar bazar dorecho bhau, kilak, oddez dinarachem (KD 2.500) kapod nhesun chomokta.
     
    Thoddea tempa adim tin tem char dinarank,  freezer borunk zatalo, punn atam mhagayechem  nustean, donparchea vogttar randpachea aidon bhorona. Shevtali vo shevto, bangddo, tarlo kivam khampi nustem, sadaran mon'xachi jevnnachi ruch bhagoitoli. Punn atam henvuim nustean, Sharq Nusteachea Bazarant apnnalem pojisanv vaddoilam. Mhonnchem, tanchi-i dor bhangarak tenklolea nustea porim zalea kivam zait veta.
     
    Tankam koxem kolltalem, hi mhaka khobor nasli. Hanv nustachea bazarak vochunk bhair sortana, bhair heddpi mazram mew-mew korun mhaka zap kori. Adim hanv, ruba (quarter) dinarak upot kampeo nam tor  tarle haddun, tankam khavunk ditalom. Mazram khuxi zatalim. Punn atam tim mazram pois-pois zaleant.
     
    Nusteachi mhargai zalea mhunn, tankaim gomlem kai? Adim hanv bhair sortana roddtalim tim mazramni atam roddpachem bond kelam. Kiteak? Atam hanvem, tanchem nustem khavunk suru kelam.
     
    Lino B Dourado
     
     

    Ajun Jive Asat, Niddukai Naslear (ek avhan)

    #41040 of 41473 < Previous Next >       Start Topic
    Ajun Jive Asat, Niddukai Naslear ( ek avhan)
    Posted By: Tue Jun 18, 2013 8:25 pm  |
     

    Third One Act Play - Cntd

     with Dominic Araujo.
    Like Â·  Â· Share Â· Saturday
    • Braz Rodrigues Domnic Araujo at his super Acting
      Yesterday at 9:25pm Â· Like Â· 1
    • Dominic Araujo Te poder mele ani te und'dde khobar zale...
      Utejon ditale tankam amcho salam...
      Dev borem korum Laurence Miranda...
      Lapit aikota astolo... Lino Dourado...
    • Lino Dourado Jinn vo jin’nechem jivit sartana, jinneche pordd’dde kose, ani khoim, ani ken’na ukte korche; tem dor ekleacher tharlolem asa. Hea jinnek jiyeunk ditole bhov thodde asat. Lipil’li khola kivam angan bhorloli kola, Kuveittan, Konknni Ek Ankhi ghoddun haddpi, Konknni Rong Machier ukti vo dakoll korunk sond ditam ditam, vorist tufan uprasun, lhan kolakorank vhoir sorunk dinvchea bodla, buskaun marpachi tozvit chol’lea ti; aiz meren amgealea sompun ghel’lea bhov gunnest tiatr boroinnar, digdorspi, kantorist, tiatrist Rose Ferns-chea jivitachi khota vo udaron amkam puro zait?