Saturday, December 22, 2012

Sonvsaracho Xevott Zatolo Mhunn




PRESENTS
<Right click -> Save as> to download star_tip_hat_md_wht.gif!AITARACHEO KATKUTLEO
Lapitt

Sonvsaracho Xevott Zatolo Mhunn
Sunkrar 21ver Dezembr 2012 vorsa, Mayans kalendara pormonnem, sonvsaracho xevott zatolo mhunn, oxem nhoi, punn 23ver Dezembr (aicha disa), nopoit zatolea sonvsaran mhagelo lekh vachunk konnuch nastolo, hem chintun, Aitaracheo Katkutleo, dor Aitarachi likhnni korunk umedich jirovli.
TV-cher funkot ani pokeo khobrani, votto meren sonvsar khabar zata mhunn batmi, internet-ar choltoleo bhasabhas ani lokachi dhanvpoll pollevn, oxem distalem; khorench sonvsaracho xevott lagim pavla kai?
 Satellite weather image animation
Unnem bhavartache monis, dusrianchem aikun birantinchem chaddor pangrun astat. Zannim, Povitr Pustok kholayen vachlam ani vachtat, te monis Devacher visvas thevunn ravliat ani ravtat. Prithum ani tatuntlo jiv Rochpi Bapan, mon’xachia suberbayecha pattkank lagun, don pavtti ujean ani udkachi buddtti daddun sonvsaracho xevott kela. Uprant Dev Bapan mhonntlem: Monxak lagun prithumicher Hanv anik kednanch xirap ghalchona. Kitiak, torneaponnar thavn tachia kallzan vankddeo oddavnneo ubzotat. Mhonntoch atam Hanvem kelam toxem hea fuddem Mhojeo rochnna, Hanv anink keddnanch nopoit korchona. (Utpoti 8:21)
Mogachano, Matthew:24 purai anvensor vachtana (ani vellantlo vell kaddun tumi vachat), Mt:36 oxem vachunk mellta: Punn ekleach Bapak bhairaun, anink konnakuch sorginchea dutank vo Putak legun, tea disachi ani ghoddiechi khobor nam.
 
Kuddintlo atmo doxim zata tea vellar, tea-tea mon’xancho sonvsar khabar zata. Hench kitem Mayans kalendarachem gonit sangunk sodta kai?
Animated electric bedside clock 
Lino B. Dourado
<Right click -> Save as> to download star_tip_hat_md_wht.gif!
Lapitt
 
 
Aitar, 23/12/2012
 

Sunday, December 09, 2012

*Xikliar Poro Poddna*

PRESENTS

<Right click -> Save as> to download star_tip_hat_md_wht.gif!AITARACHEO KATKUTLEO

Lapitt





*Xikliar Poro Poddna*
-Dad, Mom, aicho kall itlo fuddem pavla ani tumi kitem kai mhonllear fattim vochunk sodtat? Aicho temp elektronik zala. Adlea porim postantlean chittio dhadunk, chitti borovpak vell pavona. Atancho kall e-mail, chat, messages pattovpacho ani fonar uloitana webcam-acher tum, hanv distat, ani sottasott minutam modim amchi khobor ekamekak mellta toslo kall . Itlem sogott modern zalam astona, chitt boroina mhunn, tumi mhojer xinn kortat. Adlo temp urla? Dekhun hanv tumkam sangtalom, thoddem bhov internet cholounk xiklear mhakai toxem tumkai boreak poddtolem.
Joaquim ani Margarita-cho vhoddlo put porott London vochunk bhair sortana, apnnalea avoy-bapayk e-mail kivam internet chat xikunk agro kortalo. Dogaim inglezintlean ikravi ani baravi meren xiklolim. Punn pirayechi vadd zatolean, tankam Computer Center-an vochunk loz distali. Hi oddchon puta samkara ugtaili tenĂ¢€™na, tannem mhontlem.
-Tea khatir tumi dasti kaddchi goroz nam. Hanvem Divarche Santiago irmanvcha vhoddlea putak Diogo-k sanglam. Tacho Modern Computer Institutes Ponnje-Patto asa. Vhoddle koxen to raji zala tumkam xikounk. Tumi kompuitor training ghetana tumchea borabor dusrim xikpim aschinant. Hanvem poixe dovorleat tache lagim. Tumkam favo titlem training dilea uprant toch zavn tumkam novo computer vikot ghevn ditolo. Aiz Aitar. Munglara disa tachexim vochat. Borem tor. Mhaka tumcho axirvadd diyat. Hanv vetam.
Putan sanglolea tea disa tim Ponnje-Patto ghelim. Panch floranche imaroticha tisrea floral, toktto dislo. Liftin bhitor sorun, tisria florak vochunk butanv chiddlo. Lift ugti zatanch tornnatim chedde/cheddvam dislim. Dolle kaddinastana tankam polloit tim aslim ani thoddim tonddantuch gunngunntalim. Aju-bazun tanchea idadichim konnui tori distat zaliar, tannim yevttintlean-tevttintlean pollenv kaddlem. Konnuch dislo nam. Putacho ixtt offisant asa kai mhonn vicharlem tenĂ¢€™na, tankam gomlem to na mhunn. Tannim sokol vochunk lift dorli ani sokla tankam justuch lifti bhair putacho ixtt bhettlo.
-I am sorry uncle, sorry aunty. Mhaka matso vell zalo. Nigtoch tumcha putacho fon ailolo. Tumchi soglli bondabost kelia mhunn hanvem taka sanglam . Tumi dasti vinnem ravat.
Tegaim liftin vhoir vetana Institute-acho malok Shri Diogo tankam suttavem korun sangtalo. Tisria mozlar tachea offisant, tankam bosoun gorjecha kagot vevharancher tancheo soi ghetleo ani fuddem uloilolo.
-Tumcha putan sanglam tea pormonnem tumkam special class divnk hanvem purai zababdari ghetlea. Orxim zaliar hea tornattiam vangdda tumchi oddchon astoli mhunn, hem hanv adinch fuddem zanna aslom. Dekhun, hanvem tumkam day seats nhoi, punn, night seats dovorleant.
-Naka baba naka. Amkam night seats nakat. Seatancher boslear, onkolak nidh poddunk tras zatat. Dovorta zalear amkam night beds dovor.
Lino B. Dourado
*Xikliar Poro Poddna* (Adlim vhoddilam mhontalim tosoch mhatalo dila). Tacho orth - Xikun puro zaina.

<Right click -> Save as> to download star_tip_hat_md_wht.gif!

Lapitt

 
 
 
Gift-A-Goa-Book: Deliver a gift-wrapped present anywhere within Goa
Choose your book from: http://tinyurl.com/goa1556
Over 50 titles to choose from. Order via goa1556@gmail.com


www.goa-world.com